IMA Manipur-in FacebookLive event award dawng

Indian Medical Association (IMA) Manipur state branch chuan Covid-19 hripui leng chungchangah FacebookLive prog­ramme hmanga mipuite zirtirna an pek ṭhat avangin national-level President Appreciation Award a dawng. IMA Manipur honorary secretary Dr Ng Arunkumar Singh chuan Best State Secretary Award a dawng bawk. 

IMA Manipur branch hian Covid-19 chungchangah Face­bookLive programme episode 24 zet an siam hman a, hei bakah hian state chhung hmun hrang hrangah Covid-19 awareness drive buat­saihna hmun 200  chuang­ah an tel bawk.  

Member zingah hian specialist hrang hrang 40 chuangte chuan FacebookLive prog­ramme-ah hian Covid-19 chungchanga an thil hriatte leh mipuite tana ṭangkai turte an sawi a ni. 

Thuchhuah an siamah, IMA Manipur branch president Dr Shyamkumar Laishram chuan kum 2019-2020 chhungin member thar 80 a nei tih sawiin, anni ang state te tan chuan hei hi thil chhinchhiah tlak tak a nih thu a sawi.