Meghalaya: USTM chancellor man a ni

University of Science and Technology Meghalaya (USTM) chancellor, Mahbabul Hoque chu Inrinni zing khan Guwahati-a a chenna in aṭangin CBSE exam-a thil dik lo thleng nia sawi kaihhnawihah Assam police-te'n an man.

Hosque man a nih chungchangah hian Meghalaya state minister zingah tumahin sawi an nei lo a, chief minister Conrad K Sangma pawhin thuchhuah a nei lo. Hetih lai hian Education department official chuan he thil hi Assam chungchang a nih thu leh, Meghalaya sorkar thuneihna piah lam a nih thu a sawi.

USTM hnuaia awm, Assam-a Sribhuni district-a Patharkandi area-a Central Public School-ah CBSE Class 12 Physics exam laiin thil dik lo tak a thleng nia sawi a ni. Zirlaite hi mark 30 pek vek an tiam nia sawi a ni. Pawn lam aṭanga exam endik tura kal, external invigilator-ten an duh dan ang hi an zawmpui duh loh avangin buaina a chhuak a, police an inrawlh zui ta a ni.

Assam chief minister Himanta Biswa Sarma chuan USTM hi degree lem pe chhuakah a lo puh tawh bawk a ni.