Opposition party-te'n No-Confidence Motion hnukkir

Meghalaya eptu party-ten sorkar rin tawk lohna 'no-confidence motion' an put luh chu, Ningani khan Assembly-ah pharh a ni a, darkar ruk chhung zet sawiho a nih hnuaheptute chuan an motion putluh hi hnukkir leh.

Speaker Abu Taher Mon-dal chuan, “No-confi-dence motion chu pharh a ni a, debate neih a nih hnu-ah opposotion lamte an inhnukdawk leh a ni, hetiang thil hi a thlen ka vawi khat hriatna a ni" tiin a sawi.

Eptu party, Hill State People Democratic Party (HSPDP) chief Ardent M Basaiawmoit chuan Chief Minister Mukul Sangma insawifiahna ngaihthlak a nih hnuah motion chu an hnukkir leh ta tih a sawi. Ardent chuan an thil tumah an hlawhtling tho niin a sawi a, state sorkar chu nasa zawka mipui rawngbawl hna thawk turin beisei an ni, a ti. Debate hlawhtling taka neih a ni thei chu lawmawm a tih thu a sawi bawk. HSPDP, United Democratic Party leh National Peoples Party-te chuan state sorkar chu dan leh thupek kengkawh tawk lo leh, mipuite hlamchhiahah puhin, Congress kaihhruai sorkar lakah no-confidence motion hi an pulut a ni.

House-a debate neih a nih hian state chhunga sualna pung zel chungchang sawi chhuah a ni a, a bikin hmei-chhe laka hleihlenna te, naupang kum tling lo hnathawka chhawr chungchangte sawichhuah a ni. Opposition lam chuan state sorkar chu dan leh thupek kenkawh kawngah chak zawka hma la tura an phut thu an sawi. Chief minister hlui DD Lapang chuan Garo Hills leh a chhehvela hel chetna hluar chho zel veng tura hma la turin sorkar a ngen bawk.

CM Sangma chuan hun rei tak chhung National Green Tribunal-in coal mining chungchanga khuahkhirhna a lekkawh chu tihtawp tumin hma a la reng tih a sawi a, Industry deparment chu rural area-a Entrepreneurship Incubation Centre din tura hma la tura hriattir an nih thu a sawi.