Agartala Airport-ah Sukhoi SU-30 a ṭum

Indo thlawhtheihna, Sukhoi SU-30 combat jet chu Ningani khan Agartala civil airport-ah a ṭum a, a hnu lawkah a thlawk chhuak leh nghal.

Hemi chungchangah hian Indian Air Force (IAF) chuan thuchhuah siam nghalin, China-in India hmarchhak a nek chhan letna a nih thu an sawi. Agartala Airport Director S.D. Barman chuan, “Sukhoi SU-30 MKI fighter aircraft chu Agartala airport-ah Ningani zing khan a rawm ṭum a, hei hi India-in hmarchhak venhim kawnga a hmalakna chi khat a ni. A khat tawkin hun bi neiin kalpui zel a ni ang" a ti. Defence Ministry thupuangtu Captain Amit Mahajan pawhin, chiaina tur a awm loh thu sawiin, peace-time training activity pakhat mai a nih, routine mumal tak siam a ni a, kalpui zel a ni ang, a ti ve bawk.

IAF chuan August 2010 khan SU-30 squadron chu Assam-a Tezpur-ah a lo ṭum tir tawh a, hei hi a hmasa ber a ni. March 2011 khan Assam-a Chabua airbase-ah ṭum lehin, SU-30 pathum chu Pasighat Advanced Landing Ground (ALG), Arunachal Pradesh-ah an lo ṭum tawh bawk.