Nagaland-ah Coal depot hawng

Nagaland, Parliamentary Secretary for Geology & Mining, Dr Imtiwa-pang Aier chuan Zirtawpni khan Tuli-a 10th Mile-ah Coal Depot a hawng.

Parliamentary Sec-retary for Industries & Commerce, Amenba Yaden chuan hmanpuiin, sorkar mi pawimawh eng emaw zat an tel.

Dr Imtiwapang Aier chuan hun rei tak an nghah tawh coal depot hawn a ni ta chu lawmawm a tih thu sawiin, State Chief Minister, TR Zeliang hmalakna fakawm a tih thu a sawi. Naga coal miner leh contractor-te'n an hlawkpui ngei a beisei thu sawiin, state tan pawh hmasawnna a thlen ngei a beisei thu a sawi bawk. Ṭhenawm ram Nepal, Bhutan leh Bangladesh-te chuan lungalhthei an mamawh reng thu sawiin, hralh chhuah tham thar a ngai a ni, a ti. Coal mining industry chuan hma a sawn zel a beisei tih sawiin, Shingpang (Mon district), Shingtak (Longleng district) leh Tsutepela (Mokokchung)-ah te coal depot hawn belh tura hmalak a ni, a ti.

He hun hi Nagaland Emerald Enterprises leh Tuli Area Coal Miners’ Association-te pawhin an hmanpui a ni.