Manipur speaker-in MLA panga ban dilna pawm

Manipur State Assembly Speaker Th Lokeshore chuan Ningani khan MLA pangaten ban an dilna chu a pawm sak.

Congress MLA pakhat leh Naga people’s Front (NPF) MLA pali te chuan speaker hnenah hian ban dilna hi an thehlut a, pawmsak an ni ta a ni. Congress MLA Y Erabot chuan BJP a zawm a, NPF MLA pali - Dr V Alexander Pao, Dikho, ST Nunghlung Victor leh Samuel Risom-te erawhin an hma lam hun an la tichiang lo. Manipur Legislative Assembly secretary K Meghajit chuan seat panga awl a awm thu hi official-in a puang nghal a ni. Manipur-ah hian kum 2017-ah State Assembly election neih a ni dawn a, party hrang hrangten thawm an nei ring sawt hle.