BTC-te'n nawrh huaihawt

Kar kalta Zirtawpni khan Bodoland Territorial Council (BTC)-te'n Assam-ah nawrh an huaihawt a, an mahni thlawptu Adivasi National Confederation-te chuan sorkar motor an hal bakah, motor dang eng emaw zat an tichhia.

Kokrajhar district-a Gossaigaon-ah sorkar motor-te hi beih a ni a, pawikhawihtu zinga mi pali te chu man nghal an ni. Darkar 8-10 chhung vel nawrh hi huaihawt a ni a, Adivsai mipuite chuan an thlawp ṭha hle. Zirna in leh sumdawnna hmunte pawh khar vek a ni a, lirthei che vel hmuh tur a awm meuh lo. Chief Minister Sarbananda Sonowal chuan boruakin ziaawm lam a pan tawh tih a sawi.