Assam-ah KPLT hel pariat man

Indian army-te chuan kar kalta Ningani zan khan Assam-a West Karbi Anglong district-ah hel pawl, Karbi People Liberation Tiger (KPLT) mi leh sa pariat chu an man.

Defence ministry thu-chhuah chuan, man zingah hian KPLT commander-in-chief pawh a tel tih sawiin, hel kut aṭang hian ralthuam ṭhenkhat leh document pawimawh man tel a nih thu a tarlang. Indian army leh police ṭangkawpte chuan West Karbi Anglong district-ah hel dap chhuah beihpui an thlak a ni. Beihpui thlaknaa an man zingah hian KPLT area commander leh vice chairman pawh telin, inrukbo, insuam leh pawikhawihna eng emaw zatah an inhnamhnawih tawh a ni. Hel kut aṭanga ralthuam an man zingah hian AK-47 rifle, grenade leh silaimu
ṭhahnem tak a tel. Beihpui thlaknaah hian KPLT mi leh sa eng emaw zat man an ni tawh a, thla hma sa khan mi 14-te chuan an pawl hi chhuahsanin, KPLT hi a ding tawh lo nia tarlan a ni.