Manipur-ah Trinamool MLA paliin Cong. zawm

20th September, 2016

Manipur-a Trinamool Congress MLA palite chuan rorel lai Congress party an zawm.

Congress party zawm-tu zingah hian TMC state President Thounaojam Shyamkumar pawh a tel.

Shyamkumar chuan, TMC hruaitute chuan an ngai pawimawh tawk lo nia sawiin, Congress party zawm tur hian thutlukna an siam ta tih a sawi. Kum 2012-a Manipur assembly election-ah khan Trinamool candidate mi parukte chu thlan tlin an ni. Mahse kum 2015 khan mi pathumte chu Speaker Thokchom Lokeshwar Singh chuan a disqualify a, an zinga pakhat chu House-ah a ṭhut ve phalsak a ni thung. Hetih lai hian Congress MLA Yumkham Erabot chuan September 12 khan BJP a zawm ve bawk.