Meghalaya-ah Children’s Film Festival nei

Nimin aṭang khan ni li awh 'children’s film festival' chu Meghalaya-ah ṭan a ni a, Children’s Film Society of India (CFSI)-te'n an buatsaih a ni.

Hmarchhak hmun hrang hranga school naupang thlan bikte chuan he festival-ah hian film pali - “Kima’s Lode – Beyond the class”, “Mother I Love you”, “Krish, Trish & Baltiboy” leh “The Goal”-te an enho dawn a ni. CFSI CEO Shravan Kumar chuan, "Meghalaya chu cultural heritage leh tradition lamah a hausa a, chu chu naupangte hnenah film hmanga kan pholan a ngai a ni" a ti. Kumin August thla khan CFSI hian Tripura leh Nagaland-ah te film festival hi a lo huaihawt tawh. Hei bakah hian Sikkim khawpui Gangtok-ah 19th International Chil-dren’s Film Festival a lo huaihawt tawh bawk a ni.