MGNREGA-ah Arunachal hriatthiamna pe

Union Rural Deve-lopment Ministry chuan Arunachal Pradesh chu Mahatma Gandhi National Rural Employment Generation Act (MGNREGA) sum pek chhuah chungchangah hriatthiamna thui tak a pe.

State sorkar chuan ministry hnenah hian ngenna thlenin, MGNREGA hnuaia inhlawh fakna bank kaltlanga pe chhuah tawh tura tih chu, state in harsatna a tawh avangin ministry-ah hian ngenna thlen a ni tih state RD commissioner Indra Mallo chuan a sawi. Ministry chuan state sorkar harsatna hriatthiampuiin, bank leh post office kaltlang kher loa hlawh pek chhuah a remtih sak ta tih a sawi. Hriatthiamna pek an nih tak avang hian Payment committee (PC) chuan gram panchayat tin te hneah a pawisa faiin a pe chhuak ṭan leh tawh tih a sawi bawk.

Payment committee-ah hian gram panchayat president, chairman leh member an awm a ngai a, women self help group member pahnih bakah MGNREGA worker-te chu committee member-ah an awm a ngai a ni. Hei bakah hian pawisa pek chhuah a nihin, video-a record vek a ngai bawk a ni.