SPCC-te'n Sikkim Governor ban phût

Sikkim Pradesh Congress Committee (SPCC) chuan President Pranab Mukherjee chu Sikkim Governor Shrinivas Patil ban turin an phût.

SPCC president Bharat Basnet chuan Governor hi Maharashtra-a Kargil martar chhungte puala in sak chungchangah inhnamhnawih niin a sawi. Hemi chhui tur hian inquiry committee din a nih thu sawiin, an report siam chu Mumbai High Court-ah thehluh a ni, a ti. Governor chet dan hi Sikkim mai ni lo state dang media te pawhin an tarlang niin a sawi. SPCC chuan he mi duh lohna lantir hian nawrh huaihawt an tum tih an sawi. Maharashtra-a 323-acre Mukun Bhawan Trust scam te, Sangmaner Cooperative Sugar Mill scam leh Adarsh Society Flat allotment scam-ah te khan Patil hi a inhnamhnawih niin an sawi.