Assam-ah samak ki 1913 lakhawm tawh

Assam sorkarin trea-sury hrang hranga samak ki awmte lakkhawm hna a thawh mekah 2,018 zinga 1,913 a lakhawm tawh.

Rhino Verification Committee (RVC) chuan samak ki lakkhawm hna hi thawkin, treasury hrang hranga samak ki te chu endikin a lakhawm a ni. Lakkhawm tawh te chu Golaghat (1193), Tezpur (56), Mangaldoi (59), Nagaon(550), Morigaon (22) leh Barpeta (22) nia tarlan a ni.

Hetih lai hian Barpeta treasury-a samak ki awmte chu a ṭha tawk lo nia sawi a ni a, Forensic Science Laboratory test neih a ni a, sample-te chu DNA test neih leh tura tih a ni. RVC chuan Guwahati treasury-a samak ki te chu endik hna thawh leh mek a ni, an ti.

Assam sorkar chuan samak ki hmanga sum-dawnna ti tawp tur leh, a awm sa te vawnṭhat kawngah chak takin hma a la mek a ni.