NGT-in Assam sorkar hriattirna pe

National Green Tribunal chuan Assam sorkar chu National Highway-37-in Kaziranga National Park a paltlang avanga ramsa thi awm zat chiang taka report turin a hriattir.

NGT Chairperson Justice Swatanter Kumar chuan Sarbananda Sonowal leh Kaziranga National Park Director-te chu he mi chungchangah hian hriattirna pek an ni tawh tih a sawi. KNP hi National Highway-in a paltlang avang hian lirthei che vel avangin ramsa eng emaw zatin harsatna an tawk a, thi an awm nual tawh bawk. Hei hi hriain Tribunal chuan lirthei che vel avanga ramsa thi zat chu September 30 ral hmaa hriattir turin Assam sorkar chu a ngen a ni.

NGT chuan Kaziranga huam chhunga National Highway kianga dawr siam lo turin hriattirna a lo tichhuak tawh a, Gauhati High Court pawhin National Highway-37 aṭanga 100 metre huam chhunga dawrte chu ṭhiat vek turin thupek a lo chhuah tawh bawk.