PPA-in NEDA an zawm

North East Democratic Alliance (NEDA) convener Himanta Biswa Sarma chuan Peoples’ Party of Arunachal’s (PPA) chu NEDA-ah lawmluh an ni ta tih a sawi. NEDA hi Congress tellohna regional party inzawmkhawm an ni.

Sarma chuan, "Tun-ah chuan Arunachal Pradesh-ah NEDA sorkar a ding tawh a ni, thla leha NEDA national executive meeting-ah hemi chung-chang hi sawilan a ni ang" a ti. Sarma chuan Chief Minister Pema Khan-du kaihhruain Aruna-chal-ah PPA sorkar chu pawn lam aṭangn BJP chuan a thlawp zel dawn a, thawhhona ṭha tak hnuaiah huang zauh zel an tum thu a sawi. Arunachal chungchangah hian thla leh hian Prime Minister Narendra Modi hmuh an tum thu a sawi bawk.

AP CM Pema Khandu chuan sorkar chak zawk din tumin hma a la mek a, tun hnai lawk khan MLA 26-te chu parliamentary secretary atan a ruat a ni.

Hetihlai hian Pudu-cherry Chief Minister V Narayanasamy chuan Congress MLA 43-te'n APP an zawm chhanah BJP chu mawhphurtuah a puh. BJP chu Congress sorkarna state-a bauina chawkchhuah ṭhinah puhin, Arunachal politics buai chhan bul ber chu BJP an nih thu a sawi.