Assam sorkar-in ST status pe dawn

Assam Chief Secretary VK Pipersenia chuan state chhunga hnam peng hrang chi rukte chu Scheduled Tribe status pek an nih tur thu a sawi.

VK Pipersenia chuan, “State sorkar leh Union Ministry of Home Affairs-te chuan Assam-a hnam peng hrang chi ruk hnena ST status pe turin hma an la mek a ni" a ti. ST status pek tura tarlan te chu - Moran, Muttock, Koch Rajbongshi, Chutia, Adivasi/tea tribes leh Tai Ahom-te an ni. Heng hnam hruaitute hi ST status pek chungchangah hian meeting neihpui an nih tawh thu Chief Secretary chuan sawiin, hun rei loteah chinfel theih beisei a ni, a ti. Meeting-ah hian Additional Chief Secretary (Home and Political Department) T Y Das, Additional Chief Secretary (Welfare of Plain Tribes and Backward Classes Department) Rajiv Bora, Director General of Police Mukesh Sahay leh Commissioner and Secretary Home and Political Department L S Changsan-te an tel a ni.