Nagaland Governor-in 'Interactive programme' hman pui

Nagaland Governor PB Acharya chuan 'educational and cultural exchange programme' chuan hmarchhak mipuite zingah inunauna ṭha a thlen thei a ni a ti.

He thu hi Nilainia Raj Bhavan-a Nitte University, Mangalore leh Nagalanda zirna in ten 'interactive programme' an buatsaihah a sawi a ni. Governor chuan 'educational and cultural exchange programme' chu hmarchhak mipuite in unau nan leh India ram state dangte nen pawha inṭhian ṭhatna ṭha zawk thlen theitu a ni, a ti. Nitte University chungchang sawiin, science leh health zirna a ni a, tribal-te tan liau liaua sorkar laipuiin a din a ni, a ti. He hmunah August 12, 2015 aṭang khan course hawn a ni a, a thawktute pawh tribal an nih thu a sawi.

Nitte University vice chancellor, Dr S Rama-nanda Shetty chuan university-ah hian health leh science chungchang ringawt thlurbing a ni lo a, language centre pawh hawn a ni, a ti. Language centre hi hmarchhak mai ni lo state dang tan pawh hawn a nih thu sawiin, India ram hmun danga mite chuan hmarchhak
ṭawng chi hrang hrang an zir a, chu chuan inunauna leh inṭhianṭhatna a thlen a ni, a ti. Interaction prog-ramme hi Nitte Univer-sity vice chancellor Dr S Ramananda Shetty, Mangalore vice chan-cellor Dr S Rama-nanda Shetty, The Glo-bal Open University Nagaland (TGOUN) vice chancellor HN Dutta, ICFAI University pro-vice chancellor Prof Alexander leh college hrtang hrang aiawh bakah, Nagaland Gover-nor PB Acharya leh school education minister Yitachu-te'n an hmanpui a ni.

He huna telte hian 'stu-dents and teachers exchange programme' kalpui turin inremna an siam bawk.