NPF-in Hornbill Festival buatsaih lo turin ngen

Nagaland-a eptu pawl, Naga People's Front (NPF) chuan state sorkarin December thlaa Hornbill Festival buatsaih a tum chu an dem thu an sawi. NPF chuan sorkar chu a thutlukna sut turin an phut thu an sawi nghal bawk. 

"A lawmna hi virtual-a buatsaih pawh ni se, festival chu festival a ni tho. Mipui telloin a lawmna engmah siam theih a ni lo," an ti. 

NPF chuan state sorkar chuan an state chhunga hri kai hmuh chhuah zat, positivity rate chu national rate aiin a sang a ni tih a hriat thar leh a ngai a ni tiin, hri hi a darh chak tawh hle tih chiang takin a lang tih an sawi. 

Hornbill Festival hi kumtinin Nagaland sorkar chuan December 1-10 chhungin a buatsaih ṭhin. A lawmna pui taka buatsaihin India ram chhung chauh ni lo, ram pawn aṭang pawhin chhimtu an ṭhahnem ṭhin hle a, 'Festival of Festivals' tia sawi a ni ṭhin. Kum 2019 khan festival chhimtu hi mi 2,82,811 zet an awm a ni. 

State Tourism department chuan kumina festival lawmna chu hripui leng vangin virtual form-a neih a nih tur thu a lo puang tawh a, hemi atan hian a thawhpui department hrang hrangte pawh inbuatsaih turin a lo ngen tawh bawk.