Assam-a Muslim puala museum siam rawtna hnawl

Assam education and finance minister Himanta Biswa Sarma chuan Congress party-in Chan anchal (riverine area)-a Muslim awmte puala Srimanta Sankaradeva Kalakshetra, Guwahati-a museum siam an rawt chu a hnawlsak. 

Bengali Muslim, Baghbar bialtu Congress MLA Sherman Ali Ahmed chuan kar liam ta khan Assam sorkar hnenah Mulsim-te puala museum siam rawtna hi a thlen a ni. He rawtna hi Congress Lok Sabha member Abuld Khaleque pawhin a thlawp bawk. 

Minister Sarma chuan Char Anchal-a cheng tam ber chu Bangla­desh aṭanga pem lut an ni a, hei vang hian identity leh culture hran bik a awm lo tiin an rawtna hi a hnawlsak. 

Assam-ah hian Mulsim vaibelchhe khat chuang awmin, an zinga nuai 64 vel chu Bengali ṭawng hmang an ni. Reiverine Island-ah hian an zinga nuai 25 chuang awmin,a  tam ber chu Bengali Muslim an ni. 

 Srimanta Sankaradeva Kalakshetra hi Assam mipuite cultural humhalh leh pholanna atana siam niin, kum 1998, November 9 khan president hlui KR Narayanan chuan a hawng a ni.