Manipur CM-in Sport Varsity tih khawtlai chanah sorkar laipui puh

Manipur Chief Minister Okram Ibobi Singh chuan sorkar laipui chu Yaithibee Loukon-a National Sports University din tur tikhawtlaiah a puh.

Singh chuan sports universty dinna tur hian ram acre 336 chu state sorkar chuan a ruahman tawh tih sawiin, hna ṭan theih a nih tawh thu a sawi. State sorkar chuan hna ṭan a la nih loh chhan a hriatpui lo tih sawiin, sorkar laipui kuta awm a ni, a ti. NDA sorkar chu hma la chak tawk loah puhin, hmunhma peihfel tawh hnuah pawh a hma la ṭha tawk lo niin a sawi.

CM chuan, sports university din nan hian sorkar laipui chuan ram acre 200 mamawh a nih tur thu a sawi a, state sorkar chuan Yaithibee Loukon-ah ram acre 336-a zau a ruahman fel tawh a ni, a ti. Ram buai awm pawh chinfel a nih tawh thu sawiin, hna ṭan turin sorkar laipui chu an nghak tih a sawi. State sorkar chuan ṭhalaite chu infiamna lamah an tuiin, theihna an nei tih a hria a, an hmasawnna ngaihtuah sak chu an thupui ber a nih thu a sawi bawk.