Rajdhani Express-in Sai pahnih su hlum

Northeast Frontier Railway (NFR) chuan Thawhlehni khan Assam-Nagaland border-a Dimapur railway station bulah Rajdhani Express-in sai pahnih a su hlum tih a tarlang.

He thil thleng chhui chiang tur hian NFR chuan committee a din nghal a, thil thlen dan kimchang an chhui dawn a ni. Sai pahnih sut hlum a nih avang hian rel service chu hun eng emaw chen a khaihlak a, rel ṭhenkhat pawh tihkhawtlai an ni.

NFR Chief Public Relation Officer Pranavjyoti Sharma chuan, Dibrugarh lam pana tlan Rajdhani Express chuan, heng sai pahnihte hi Dimapur railway station aṭanga km li vela hlaah, zing lam dar 12.25 vel khan an kawng kan tur chu a su tih a sawi. Accident a thlen hnu hian Rajdhani Express hi Dimapur station-ah a let a, rel kawng hi then fai a nih hnuah, dan pangngaia tlan tir zui a ni.

Inquiry committee-ah hian member pali - Senior Divisional Mechanical Engineer, Senior Divisional Engineer, leh Senior Divisional Safety Officer leh Assam Forest Department aiawhte an awm.