Sikkim-ah ni 15 chhung ran talh khap

Tibetan calendar-a Buddhist ni pawimawh lo thleng tur pualin, Sikkim sorkar chuan state pumah ni February 18 aṭang khan ni 15 chhung ran talh leh sa zawrh a khap.

He khapna hi February 28 aṭanga March 14 thleng awh tur niin, Sikkim-a culture leh sakhaw lam thilte enkawltu Ecclesiastical Department-in a siam a ni. He hun chhung hian sa dawr zawng zawng khar vek tura tih a ni. State chhunga sa lakluh te chu hun pawimawh bik leh pumpelh theih loh, inneihna, vantlang inkhawm emaw, sahuana ran chaw pek turte chauh phalsak a ni ang. Hei pawh hi Ecclesiastical Department aṭangin phalna an la hmasa tur a ni.

Khapna siam hunchhunga ran talh hmuh an awm a nih chuan na taka hrem an ni dawn tih sorkar thuchhuah chuan a tarlang.

Sorkar thuneitute chuan he khapna an siamna chhan hi an state-a sakhua leh culture humhalh a tumna, Buddhist sakhaw zahna a lantirna a ni tih a sawi.

Hnam nunphung inremna leh zahna a siam bawk.