Assam leh Meghalaya-in Power man vbc 1,000 an ba

Assam leh Meghalaya chuan North-East Electric Power Corporation (NEE­P­CO) chu power man cheng vaibelchhe 1,000 an ba.

NEEPCO Chairman & Managing Director P C Pankaj chuan he thu hi sawiin, Assam chuan vbc 536.64 a ba a, Meghalaya-in vbc 429.4 an ba, a ti.

Assam leh Meghalaya hian vbc 269.2 leh 288.21 an ba a, mahse pawisa pek­belh ngai (surcharge) vbc 267.44 leh vbc 140.83 an nei a ni, a ti.

Hmarchhak state dang­te leiba nen belh­khawmin NEEPCO chuan kumin June thla thleng­in cheng vaibel­chhe 1,186.24 dawn tur a nei a ni, tiin Pankaj chuan a sawi.

Hmarchhak state zing­ah Nagaland chuan NEEPCO a ba tlem ber a, cheng nuai nga chauh power man ba a nei.