Assam sorkarin Health Insurance Scheme thar duang

Assam sorkar chuan sorkar laipui hmalakpuinain health insurance scheme thar “Atal Amrit Abhiyan” a kalpui dawn.

“Atal Amrit Abhiyan” hi mipui, insurance scheme-a inziahluhna neilo te tana duan a ni. Health Minister Himanta Biswa Sarma chuan he scheme hnuaiah hian mi pakhat tan kum khat chhungin cheng nuai hnih thleng pek chhuah theih a nih tur thu a sawi. “Atal Amrit Abhiyan” hian cancer, kidney ailment, heart surgery, neuro-surgery leh kang te a huam dawn a ni. Sorkar hospital leh Central Government Health Scheme (CGHS) hnuaia inziak lut, hospital-ah te smart card hi a hman theih dawn a ni. Smart card hi Rs. 100 in lak chhuah theih a ni a, kum tin Rs. 100 chawiin a siam thar theih dawn bawk.

State sorkar chuan “Atal Amrit Abhiyan” atan hian kum khat chhung atan cheng vaibelche 200 a ruahman a ni.