-ah temple thar hawng dawn

Sikkim chuan khualzin hip thei tur Vishwa Vinayak Mandir chu Rungdung-ah a din a, October 3-ah hawn a ni ang.

He temple hi Lord Ganesha hming chawia sak a ni a, hmarchhaka Ganesh temple hmasa ber a ni. Architect Kiran Rasaily chuan he temple hi a design a ni. Hnathawktu hi mi 200 vel zet an awm a, Rajasthan, Bihar, West Bengal leh Nepal aṭanga chah khawm an ni.

Hetih lai hian tun hnaia American think tank leh Nathan Associate-te'n Centre for Strategic and International Studies (CSIS) report an tih chhuahah, Sikkim chu India rama hmeichhe tana hnthawhna atana hmun duhawm berah a thlang a ni. India ram hi khawvela hmeichhia, hnathawktu tlemna ber niin 24% chiah a tling phak a ni. Kum 2015-a McKinsey Global Institute-in report a tihchhuahah chuan, Indian hmeichhia te chuan kum 10 chhungin GDP-ah 16% chauh an thawh ve niin a tarlang.