Union minister-in IIM Shillong tlawh

Union Human Resource Development Minister Prakash Javadekar chuan Thawhlehni khan Indian Institutes of Management (IIM) Shillong a tlawh a, India ram puma IIM-a zirlai lut thei zat tihpun a nih tur thu a sawi.

Union minister chuan “India ram chhunga IIM-a zirlai awm thei zat 10,000 chu 20,000-ah tihpun a ni ang" a ti. Hnathawktu indaihlohna phuhru turin ruahmanna siam a ni, a ti. Online course siambelh a nih tur thu sawiin, course hrang 2,000 vel chu zirlai vaibelchhe thum velin an zir thei tawh dawn a ni, a ti. Javadekar chuan hmarchhaka IIM tam zawk din turin sorkar laipui aṭangin ruahmanna a awm tawh thu sawiin, proposal pawh thehluh tawh a ni, a ti.

HRD minister Prakash Javadekar chuan zirlai, Aadhaar card neilote'n scholarship-ah harsatna an tawh loh tur thu a sawi bawk.