Nagaland tan High Court hran

Sorkar laipui chuan dan leh thupek mumal leh khauh zawka kalpui a nih theih nan Nagaland sorkar chu High Court hran pek a nih tur thu a sawi.

Chief Minister TR Zeliang chuan Thawhlehni khan High Court din chungchangah hian Union Law and Justice Minister Ravi Shankar Prasad a hmu a, hmalak dan tur an sawi dun. Union Minister chuan Nagaland Chief Minister chu High Court hran a neih theihna turin theihtawp chhuahpui a tiam a, state-in a mamawh berte zinga mi a nih thu a hrilh a ni. Nagaland hian High Court hran a nei lo a, Guwahati High Court bench hnuaiah a awm mek a ni.

Hetih lai hian Nagaland khawpui Kohima chu Smart City project kalpuina tur khawpui zingah thlan tel an ni. Hei bakah hian Dimapur -Chumukedima leh Kohima Check Gate - Lerie Highway siamna turin sorkar laipui chuan cheng vaibelchhe 340 a pe chhuak tawh bawk.