Manipur-ah BJP thawm a lian zel

Manipur Pradesh Congress Committee (MPCC) chuan an mi leh sa an chanbelh leh ta a, Thawhlehni khan minister hlui MLA Laishram Radhakishore leh MPCC secretary hlui leh MLA ni lai Sapam Ranjan-te chuan BJP an zawm.

Manipur BJP hotu K Bhabananda chuan, "Mipuite chuan BJP-ah rinna an nghat chho mek a, mi thar duhawn tak takin min rawn zawm mek zel a ni", a ti. Congress MLA pahnih bakah hian TMC member Heikham Dingo Singh chuan BJP hi a zawm ve bawk. BJP hian Manipur-ah hian thawm an nei lian sawt hle a, tun hnai khan party president Amit Shah chuan Manipur hi a tlawh a, nakkuma inthlan an hmachhawn turah hnehna chan tumin hma an la mek a ni.