Karbi Anglong-ah hel paruk kaphlum

Assam-a Karbi Ang-long district-ah nimin zing lam khan helpawl, Karbi Peoples Liberation Tigers (KPLT) leh police leh army ṭangkawpte chu inkapin, hel paruk kahhlum an ni.

KPLT mi leh sa ka hhlum zinga pahnihte hi an hruaitu hlun nia hriat a ni a, army lamah pawh hliam pakhat a awm. Police leh army-te hian Karbi Anglong district-a Banipathar area-ah beihpui thlakin, helte nen hian innangchingin an inkapzui ta a ni. Superintendent of Police Debojit Deuri chuan KPLT mi leh sa parukte chu kahhlum an nih thu sawiin, beihpui thlak chhunzawm nghal a ni, a ti. Hel kut aṭang hian SLR rifle, Insas rifle, pistol pathum, grenade pahnih leh silaimu man a ni. Army zinga hliam tuar hi hospital panpui nghal a ni bawk.

Karbi Peoples Libe-ration Tigers (KPLT) hi kum 2010-11 chho khan din a ni a, Karbi National Liberation Front (KLNF) aṭanga inla hrang an ni.