Sikkim High Court Chief Justice thar la lut

Justice Satish Kumar Agnihotri chu Ningani khan Sikkim High Court Chief Justice atan lak luh a ni.

Lakluh inkhawm hi Raj Bhawan-ah buatsaih a ni a, state Governor Shriniwas Patil chuan rinawmna thu tiam tirin a la lut a ni. He hun hi Chief Minister Pawan Chamling, Assembly Speaker K N Rai, Justice Meenakshi M Rai, minister bakah senior official-te'n an hmanpui.

Ningani vek khan Justice Rakesh Ranjan Prashad chu Manipur High Court Chief Justice atan lak luh a ni bawk. State Governor Najma Heptullah chuan rinawmna thu tiam tirin a la lut a, Chief Minister Okram Ibobi Singh, HC judge, lawyer leh mi pawimawh eng emaw zat an tel. Manipur HC hi March 13, 2013 khan din niin, Prashad hi Chief Justice pathumna a ni. Amah hi Bihar lam chhuak niin, Patna Law College aṭangin July 1, 1955 khan law zir chhuakin, kum 2001 khan Jharkhand HC-ah judge atan lak a ni. Hun eng emaw chen chu Manipur High Court acting Chief Justice lo ni tawh bawk.

Prashad chuan, “Manipur hi ka in pakhat a ni a, HC Chief Justice atan min ruat hi ka lawm hle a ni. Thubuai ṭhenkhat hun rei tak chung tihkhawtlai awm ṭhin chu nuaibo a ni ang, mi rethei zawkte dikna chanvo humhim sak hi ka ngai pawimawh ber zel ang" a ti.