Sikkim-ah SPYF-in taxi fare tihsan duh lohna lantir

Sikkim Progressive Youth Forum  (SPYF) member-te chuan an state chhunga taxi fare, a leta tihsan duh lohna lantirin Tashiling Secretariat-ah nawrh an huaihawt. 

Nawrh huaihawtte hi police-te chuan hnawtdarhin an zinga 11 an man.

SPYF member-te hian kar liam ta Ningani aṭang khan nawrh hi an huaihawt a, sorkarin fare tihsanna hi a thlak danglam hma chuan lungawi lohna  lantir chhunzawm zel an tum tih an sawi. Fare tihsan a nih avang hian mi tam takin harsatna an tawh phah tih an sawi. 

October 5 aṭang khan taxi fare tihsan chungchanga an lungawi lohna hi virtual press conference hmangin SPYF chuan an lo sawi chhuak tawh a, state sorkar aiawhte pawh hmuin lehkha pawh a thehlut tawh bawk.