China bei turin AP mipuite an inpeih : CM Khandu

Arunachal Pradesh Pema Khandu chuan Arunachal Pradesh mipuite chu Indian Army ruala China bei let turin an inpeih reng a ni, a ti. 

Kar liam ta Zirtawpni khan CM hian Indo-Tibet border bula border pass, Bum La bula Topengla tlawhin Pram Vir Chakqa Subedar Joginder Singh thih champha vawi 58-an pualin zahna a hlan a ni. Khandu chuan China-in eng ang pawhin a ram chin niin Arunachal Pradesh chu chhal ṭhin mah se India sipaite leh AP mipuite chu a lakah an tlawm dawn lo tih a sawi.  

Border area-a hmasawn­na hna thawh hrang hrang, a bikin kawngpui siamte chu a pawimawh thu leh, sorkar chuan theitawpa chakin hna a thawh mek thu Chief Minister chuan a sawi. Hun reiloteah state chhunga infrastructure lama hmasawnna hrang hrang an hmuh thuai tur thu a sawi bawk.