China sipaite Arunachal-ah an lut lo : China

China chuan Line of Actual Control (LAC) kalpel a, Arunachal Pra-desh-ah a sipaite an lut nia tarlan chu a pha.

Chinese Foreign Minis-try thupuangtu Geng Shuang chuan, “Chinese sipaite chu India leh China inrina laiah an awm a, ramri an pel lo" tiin, India ram an lut anga sawi chu thu belhchian dawl lo a nih thu a sawi. Shuang chuan, September 9-a China sipaiten Arunachal Pradesh an lut anga sawi hi thil diklo a ni, a ti. Sipaite chu India leh China inrina, ram pahnihten an ram chin an chhinchhiah lohna hmunah an kal mai niin a sawi. Ram pahnihte chuan inbiakna mumal tak an nei tih sawiin, LAC-a inremna lo siam tawh chu China chuan a bawhchhe ngai lo tih sawiin, India chu ramri chungchangah boruak muanawm tak a awm zel theihna turin thawhpuiah China chuan a sawm a ni, a ti bawk.

Ramri chungchangah hian ram pahnihte hi an innghirngho fo a, ramria sipai patrolling chungchangah pawh an buai fo a ni.