Sorkar laipuiin hmarchhak a hlamchhiah : Manipur CM

Manipur Chief Minister Okram Ibobi Singh chuan sorkar laipui, BJP kaihhruai NDA sorkar chuan hmar-chhak a hlamchhiah hle niin Thawhṭanni-a Congress office-a women workers meet-ah a sawi.

Manipur CM chuan Narendra Modi-a kaihhruai sorkar chuan kum hnih leh a chanve chhungin hmar-chhak tan hmasawnna hna tluantling a thawh sawi tur a awm lo a ni, a ti. Ibobi Singh chuan, “Central-a minister-te chuan hmarchhak an tlawh chamchi a, thil
ṭha an tih kan lo beisei a ni. Nimahsela chutiang thil kan beisei chu a taka hmuh tur awm si loin, thu maiah a chang leh ṭhin a ni" tiin, NDA sorkar chu a thu chauha hmarchhak ngai pawimawhah a puh a ni.