Ukhrul-ah Journalist-te'n lungawihlohna an lantir

Manipur-a Ukhrul District Working Journalists Association (UDWJA) chuan, Ukhrul-a NGO ‘FEELS’ leh ‘Khangkhui Khunou’ te journalist-te laka an chetdan mawi lo tak duh lohna lantir nan, news conference reng reng an boycott tur thu an sawi. Hemi chungchang ngaihtuah hian UDWJA-te hian September 24 khan meeting an nei a, pawl pahnihten mipui hriata, an chet dan avanga ngaihdam an dil hma loh chuan, an thutlukna hi an kalpui tur thu an sawi. UDWJA President Thotshang Shaiza leh Secretary R Lester Makang-te chuan hetiang thil hi tun hnuah thleng tawh lo se an duh thu an sawi. Pawl pahnihte hi journalist lakah hian eng tiang chiahin nge an chet tih erawh tarlan a ni lo.