2017-ah Dhola-Sadiya Bridge hawng dawn

Assam leh Arunachal Pradesh inkalpawhna tur, Brahmaputra lui chunga dawh mek Dhola-Sadiya Bridge chu kum 2017 khian hawn hman tura beisei a ni.

Dhola-Sadiya Bridge hi zawhfel a nih hunah chuan India rama lei thui ber a ni ang. State pahnihte inkalpawhna kawnga nasa takin a pui thei dawn a, darkar li vel zetin hun a duh rei lo zawk tawh tura ngaih a ni. Lei hi km 9.15 zeta thui a ni a, India rama lei sei ber Mumbai-a Bandra Worli Sea Link aiin km 3.55 aiin a thui zawk dawn a ni.

Lei dawh nan hian cheng vaibelchhe 938 ruahman a ni a, tunah hian hna tam zawk chu zawhfel tawh niin, hawn thuai beisei a ni. Inkalpawhna mai bakah ram venhim kawngah state pahnih tan a ṭangkai thei hle tura ngaih a ni.
Tun dinhmunah Army-te chuan Arunachal Pradesh thleng turin Tezpur an paltlang a ngai a, lei hi peihfel a nih hunah chuan awlsam zawkin an thleng tawn zung zung thei dawn a ni.