Tripura Assembly-in GST Bill a pawm

Tripura state Assembly chuan Thawhṭanni khan Constitutional Amendment Bill 'Goods and Services Tax' (GST) chu lungrual takin a pawm ve leh ta.

State Finance Minister Bhanulal Saha chuan bill hi pu lutin, lungrual taka pass a ni a, GST Bill chungchangah hian rorel lai Left Front bakah, opposition party Trinamool Congress (TMC) leh Congress aṭang tein zawhna a awm lo nia tarlan a ni. September 8 khan India President Pranab Mukherjee chuan GST Bill hi a lo pawmpui tawh a, kum 2017 April thla aṭanga hmanṭan tum a ni.