China sipai-te'n Arunachal an lut

Jammu and Kashmir-a Uri-a army camp beih a nih avanga India leh Pakistan-te an in-nghirngho mek laiin, China sipaite chuan Arunachal Pradesh-a Anjaw area an lut tih hriat a ni leh ta.

China sipaite hian September 19 khan Indian ram chin an rawn dai tawh a, camp an sa zui bawk. He thil thlen hnu ni li, September 13 khan Arunachal ram chhungah lut lehin, Indian Army leh Indo-Tibetan Border Police (ITBP) te chuan an lo dang a, an ram lamah an lettir a ni. Intelligence lam chuan, China sipaite hian Line of Actual Control (LAC) aṭanga km 94 vela hla, Anjaw district chu an lut a, temporary camp an sa niin a tarlang.

Indian Army-te chuan September 5 khan Long Range Patrolling (LRP) neiin, Chaglagam aṭanga km 52 vela hla Theneya-ah Chinese Army an hmu a, helai ve bawrah vek hian September 9 khan China sipaite hi an hmu leh nia tarlan a ni. China sipaite hian Kapapu-ah awm hmun an khuar nia sawi a ni.

Hetiang boruak a awm mek lai hian, September 14 khan China-a Damai-ah ram pahnih aaiawhte chuan Flag Meeting an nei a, an inbiakna chanchin erawh puanzar a ni lo. October 1 hian meeting hi neih leh tura ruahman a ni a, he hunah hian mahni ram chin pela sipaite chetna thleng ṭhin chu chinfel beisei a ni.