Assam leh West Bengal-ah JMB hel man

Assam leh West Bengal-ah helpawl, Jamaat-ul-Mujahideen Bangladesh (JMB) mi leh sa paruk man an ni a, an zinga pali te chu kum 2014-a Khagragarh-a pawikhawihna thlentute an ni. An zinga pathumte hi Bangladesh mi an ni.

Joint Commissioner of Police (Crime) Vishal Garg chuan, JMB mi leh sa an mante hi, Khagragarh-a pawi khawihna a thlen hnu khan West Bengal
aṭangin, South India leh hmarchhak state-ah te an insawn a ni, a ti. JMB mi leh sa te hi Kolkata Police Special Task Force-ten an man a ni. An hotu Yusuf Sheikh hi Natianal Investigative Agency chuan a man thei hnenah lawmman atan cheng nuai 10 a tiam lai a ni. Midang panga an man te chu - Anwar Hussain Farooq, Shahidul Islam, Mohammad Rubel, Abul Kalam leh Jadidul Islam te an ni.

Kalam leh Rubel-te pawh hi lu man cheng nuai thum leh nuai khat nei lai an ni. Yusuf leh Shahidul-te hi Parganas district-a Natun Bazar-ah Pathianni khan man an ni a, Farooq leh Rubel-te chu Bagda Road, Bangao-ah man an ni. Kalam hi Coochbehar station, north Bengal-ah man a ni a, Pathianni vek khan Jahidul chu Cachhar district, Assam-ah man a ni bawk.

An kut aṭang hian laptop, mobile phone, chemical leh memory card bakah, Bangladesh leh India pawisa eng emaw zat an man a ni.