Tripura PWD Minister-in kawng chhiat chhanah sorkar laipui puh

Tripura state chhunga National Highway paruk chhiat chhan chu sorkar laipui hma lak chak tawk loh vang niin Tripura Public Work Department minister Badal Chowdhury chuan a sawi.

Tripura-ah hian N/H paruk lai a awm a, a thui zawng chu km 843 a ni. Heng higway-te hi a chhiat avangin lirthei kaltlang hleih theih loin a awm. Chakkhai lamna kawng a chhiat avang hian mipuiten harsatna an tawk a, thla eng emaw zat chhung chu ei leh bar lakkhawm a harsat avangin thil man a sang hle bawk. A bikin oil leh gas-te chu ṭhenawm ram Bangladesh kaltlanga chawkluh a ngai hial a ni.

Transport minister chuan state Assembly-ah, "Union Minister for Road Transport and High-way Nitin Gadkari chuan Agartala-Matabari inkar kawng chu kum hnih chhunga double-lane-a siam a nih tur thu a sawi. Nimahsela km 12 chauh chu double lane-a siam a nih tur thu a sawi leh a, Union Minister thu-sawi hnu kum khat leh a chanve hnuah pawh hma-sawnna hmuh tur a la awm chuang lo a ni" tiin, inkal-pawhna ṭhat tawk loh chhanah Union Minister chu mawhphurtu a nih thu a sawi. Chowdhury chuan, state sorkar chuan sorkar laipui remtihna leh hriatpuina tel lo chuan highway chei ṭhat hna a thawk thei lo niin a sawi bawk.

Hetih lai hian treasury bench member Manindra Chandra Das chuan, “Sor-kar laipui chuan Belonia - Jolaibari leh Agartala - Churaibari kawngpui siam hna chu state PWD kutah a hlan a ni" tiin National Highways and Infrastructure Develop-ment Corporation (NHIDCL) chuan natio-nal high-way pali a enkawl thu a sawi.