JCILPS-te'n Manipur-ah non-local luh remti lo

Joint Committee On The Inner Line Permit System (JCILPS) Women Wing-te chuan Zirtawpni khan Sekmai Bazar-ah Imphal pan tum non-local mi 21 te chu lo dangin, an kaltlang an remti lo.

JCILPS convener BK Moirangcha chuan, “State assembly-in ram leilung fate humhalhna tur bill a pass hma lo chuan non-local te chu Manipur-ah luh kan remti dawn lo" a ti. Sekmai bazaar-ah hian JCILPS women wing-te hian non-local mi 27 zet te chu lo dangin, an zinga parukte chu an tlanbo zui nia tarlan a ni. JCILPS women wing-te hmalakna hi Jiribam, Sekmai leh Moreh area-ah te kalpui leh tura ruahman a ni. Non-local passenger phur ṭhin Damenti Service leh Royal Rajdhani-te pawh highway-a tlan khapsak lailawk an ni bawk.

Manipur legislative assembly-ah ram leilung fate humhimna tura bill duan chu pharh ni mah se pass a nih loh vangin JCILPS-te hian kawng hrang hrangin bill pass a nih theihna turin hma an la mek a ni.