Civil miten ALG hmang ve thei dawn: IAF

Indian Air Force chuan Arunachal Pradesh-a Advance Landing Grounds (ALGs)-te chu civil miten a ṭul anga an hman ve theih tur thu a tarlang.

ALG-te hi civil miten an hman ve theihna turin rawtna siam a ni a, hemi chungchangah hian Zirtawpni khan Chief of Eastern Air Command, Air Marshal C. Hari Kumar, Arunachal Chief Minister Pema Khandu leh mi pawimawh dangte chuan Itanagar-ah meeting an nei a ni. ALG-te passenger/commercial flight atana hman a nih tur leh tur loh chungchang hi Airport Authority of India (AAI) leh Directorate General of Civil Aviation (DGCA) te chuan an ngaihtuah leh dawn a ni. Meeting-a tel Pasighat MLA Kaling Moyong chuan IAF chu ALG-a thawk tur lak chungchanga a ram mite duhsak tura a ngen bakah, 50% reservation siam sak turin a ngen. Air Vice Marshal M Singh chuan tual-chhung mi a tam thei ang ber lak an nih tur thu a sawi.

Arunachal-ah hian ALG pasarih siam a ni a, hengte hi IAF kutah hlan vek a ni. Pasarih zinga panga Ziro, Aalo, Pasighat, Mechuka leh Walong a mite chu peihfel tawh a ni. Tuting ami chu kumin December hian hawn hman beisei a ni a, Tawang ami pawh nakkum April khian hawn hman tura tih a ni bawk.