SC-in lungalhthei phurchhuah phalsak

Supreme Court chuan Megha-laya-a lungalhthei laihchhuah sa te chu October 1 aṭanga nakkum May 31 thleng phurhchhuah a phalsak.

Maghalaya-a lungalhthei sawngbawl dan chu him tawk lo leh, environment tichhe theiah ngaih a nih vangin National Green Tribunal (NGT) chuan hun rei tak chhunga lungalhthei phurhchhuah leh laihchhuah a lo khap sak tawh a ni. NGT hian khapna hi April 2014 aṭang khan lekkawhin, Hima Nongstoin Land Owners’ Association chuan NGT order hi Supreme Court-ah a khinglet a ni. Hemi chungchangah hian state sorkar pawh Suprem Court-ah a zualko a ni. Supreme Court lawyer leh State government counsel, Ranjan Mukherjee chuan, "Suprem Court-in thupek a chhuah tak avangin lungalhthei laichhuah sa thawnchhuah leh, coal mine neitu leh state sorkar-te'n a hlawkna an insem dan tur chu sorkarin a chingfel thuai dawn a ni" a ti.

Hetih lai hian lungalhthei laihchhuah sa tangkhang hi metric tonne nuai 30 vel a ni a, state sorkarin chhiah leh Meghalaya environmental restoration fund aṭanga hlawkna a chan tura beisei chu cheng vaibelchhe 400 a ni.