OIL-in pipeline atan Rs. 1,200 ruahman

Assam sorkar hnuaia Oil India Ltd (OIL) chuan pipeline atan cheng vaibel-chhe 1,200 a invest dawn tih Inrinni khan a puang.

Tun dinhmunah OIL hian km 1,220 a thui crude oil pipeline a enkawl mek a, Upper Assam-a oilfield aṭangin thlitfim turin Numaligarh, Guwahati leh Bongaigaon-ah te crude oil a thawn kual ṭhin a ni. OIL Chairman leh Managing Director ni bawk Utpal Bora chuan, kum 2015-16 chhung khan company chuan hlawhtlinna ropui tak a chang tih sawiin, natural gas MMSCM 2,838 an tharchhuak tih a sawi. Company chuan kum 2014 chhungin MMSCM 2,722 a tharchhuak tih sawiin, kumtin hma an sawn thu a sawi.

Bora chuan kum 2015-16 chhunga sum an thawh chhuah zat chu cheng vaibelchhe 9,764.87 a nih thu sawiin, company-in hlawkna a hmuh chu cheng vaibelchhe 2,330.11 niin a sawi. State sorkar-a company-in chhiah a chhun zat chu cheng vaibelchhe 1,861 a nih thu leh, sorkar laipuiah cheng vaibelchhe 3,245 chhun a nih thu Oil India Ltd (OIL) Chairman Utpal Bora chuan a sawi.