AP CM hlui Thungon kum 4 chuang tâng turin hrem

Delhi-a CBI special court chuan eiruk thu­buaia thiam loh a chantir, Arunachal Pradesh Chief Minister hlui P.K. Thungon chu kum li leh a chanve tâng turin a hrem.

Thubuai ngaihtuahtu, Special Central Bureau of Investigation (CBI) judge Ajay Kumar chuan tâng tura a hrem bakah hian Rs 10,000 a chawitir bawk.

CBI special court hian July 21 khan Thungon leh a thurualpui mi pathum chu kum 1994-a Nagaland irrigation project sum tihchingpen thubuaiah thiam loh a chantir a, Thawhṭanni khan a hremna tur hi a puang.

Prime Minister hlui PV Narasimha Rao kaihhruai sorkarah Thungon hian Minister of State for Urban Development and Employment hna a chelh laiin Nagaland irrigation project sum hi a thurualpuite nen an tichingpen a ni.

Special court-in Thungon ruala thiam loh a chantirte hi Tali AO, C Sangit leh Mahesh Maheshwari te an ni a, judicial custody-ah dah nghal an ni.