M'laya-in police thuam chak nan rawtna siam
Meghalaya sorkar chuan Garo Hills-a police te'n helte doletna kawnga chak zawka dan leh thupek an lekkawh theihna atana police thuam chakna tur leh police infrastructure tihchangtlunna atana rawtna a siamte sorkar laipuiah a thawn.
State DGP Rajiv Mehta chuan he thu hi Meghalaya High Court a hriattir. Meghalaya-a bandh leh kawngpui danchah a hluar lutuk vanga dan leh thupek dinhmun chhe lutuk chungchangah High Court chuan state sorkar chu a doletna atana a hmalakna tarlang turin a hriattir a ni. Kumin May 24 khan High Court chuan bandh leh kawngpui dan chah chu a khap a, state sorkar chu Garo Hills-a boruak muanawm a awm theih nan theihtawp chhuah turin a hriattir nghal.
June 10-a hearing neihah Meghalaya HC chuan state DGP-in affidavit a thehluh chu a pawmtlaka a ngaih loh thu a lo tarlang tawh bawk.
High Court chuan state sorkarin rawtna a siamte chu a pawm leh pawm loh High Court hrilh turin sorkar laipui a hriattir bawk.