Manipur ILPS movement: JCILPS activist te'n lirthei 17 tichhia

Manipur-a inner line permit system kalpui phuttu Joint Committee on Inner Line Permit system (JCILPS) chuan a thil phut chak taka kalpuiin, nawrh a la huai­hawt chhunzawm zel.

Kar kalta Zirtawpni khan nawrh huaihawt lehin pawn chhuaka hna­thawh a khap a, public transport te pawh chawlh vek tura tih an nih a, hei vang hian activist te chuan public transport an thuchhuak zawm lo, lirthei 17 an tichhia.

Imphal hmun hrang hrangah sit-in protest huai­hawt a ni bawk a, state sorkarin leilung fate hum­halhna tur bill thar a pass hma chuan nawrh huaihawt zel an tum thu an sawi.

JCILPS chuan state sorkar chu bill thar siam nan thla khat hun a pe a, August 15 hmaa peihfel turin a phut. Hei bakah hian bill tharah point nga a siamte a telh a phut bawk.

JCILPS thil phut dangte hi - Manipur-a pemte tihchianna turah kum 1951 chu tehna atana hman; leilung fa nilo, non-indigenous te hnena ram neitu nihna pek loh; hnathawk tura Manipur-a lutte chhinchhiahna atan Labour Department thuam chak leh phalna nei loa Manipur-a hnathawka awm­­te thawnchhuah te a ni.