Nagaland-in solar city 2 nei dawn

Union Ministry of New and Renewable Ener­gy (MNRE) chuan de­velop­ment of solar cities programme a kal­pui­­na atan Nagaland-a khawpui pahnih, Dimapur leh Kohima a thlang.

MNRE chuan he prog­ramme kalpuina atan hian hmarchhak state-a khawpui paruk a thlan zingah Na­ga­land-a khawpui pa­hnihte hi an tel a ni. Hmarchhak state danga programme kalpuina tur chu Assam-a Guwahati leh Jorhat, Arunachal Pradesh khawpui Itanagar leh Tripura khawpui Agartala te an ni.

Programma kalpuina sensoah hmarchhak bial bikah chuan sorkar laipuiin 90% a tum ang a, state dangah chuan sorkar lai­puiin 70% a tum ang a, state sorkarin 30% a tum ang.

Nagaland-a New and Renewable Energy (NRE) department official chuan solar cities programme kalpuina atan ruahmanna siam ni tawh mah se state sorkar pachhe tak tan chuan senso 10% pawh tum a harsat a rin thu a sawi.

Hetihlai hian Tripura sorkar chuan Agartala khawpui chu ni tha chakna hmanga khawpui chei mawi tumin hma a lo la tawh a, khawpui cheina atana a hman ṭhin street light pangngaite chu light-emitting diode (LED)-in a thlak deuh vek tawh a ni. Heng street light te hi a remchanaah solar light-a thlak a ni leh ang.