Manipur ILPS movement: Drafting committee-in meeting vawi 3-na a nei

Manipur Regulation of Visitors, Tenants and Migrant Workers (MR­VTMW) Bill 2015 thlakna atana bill thar siam tura state sorkarin a ruat, draf­ting committee chuan kar kalta Inrinni khan mee­ting vawi thum-na a nei.

Meeting-ah hian com­mittee chuan High Court Bar Association (HCBA) leh All Manipur Bar Asso­ciation (AMBA) member te ngaihdan lain, thurawn thawh turin a ngen. HC Bar Association member te hi president Senior Advocate Kh Binoykumar-a'n a ho a, AMBA member te hi president Senior Advocate H Chandrajit-a'n a ho thung.

Drafting committee chairman, state Law Mi­nis­ter Thoudam Debendra chuan bill thar an buatsaih mek chu an peihfel thuai a beisei thu leh state Assembly-a pharh thuai a nih tur thu a sawi a, HCBA leh AMBA te'n ṭha taka an thawhpui chu lawmawm a tih thu a sawi.

Leilung fate hum­halhna atana inner line permit system kalpui ngiattu, Joint Committee on Inner Line Permit System (JCILPS)-in bill thara telh a phut point ngate chu telh a ni em tia zawhna chu Debendra chuan chhangin, JCILPS te rawtna point nga chu sorkarin official-a a la dawn loh thu a sawi a, mahse tualchhung me­dia-a an tarlante chu an hriat­pui thu a sawi bawk.