CAG-in NBA kalpui ṭhat loh vangin AP a zilh

Comptroller and Au­ditor General of India chuan Arunachal Pra­desh-a Congress sorkar chu Nirmal Bharat Abhi­yan (NBA) scheme a kal­pui ṭhat loh avangin a zilh.

CAG report hi tun hnai khan state assembly-ah pharh a ni a, kum 2009 leh 2012 inkara state sorkarin NBA scheme a kalpui danah thil fel lo tam tak a tarlang.

Report-ah hian kum 2009 leh 2012 inkara Arunachal Pradesh-a below poverty line (BPL) leh above poverty line (APL) chhungkaw awm zat hi a danglam reng a, hei hi enfiah ngai a ni, a ti.

Scheme kalpui dan ennawnaah BPL chhung­kaw tana inthiarna individual household la­trines (IHHLs) siamte chu kum 2012-13-ah chuan a taka hmuh tur a awm tawh lo a, rural sanitary marts (RSM), production centers (PC) leh solid & liquid waste management (SLWM) te chu Lohit district-ah chauh sak an ni, a ti.

"Sum hman dan fel lo leh a hmanna tur dik taka hman loh tam tak a awm a, hnathawktute hnena a hun taka fund pekchhuah lohte pawh a awm bawk a ni," tiin CAG report chuan a tarlang.